الله میاں کا گلَّہ

بیٹی آپ گلّہ میں سکے جمع کرتی  ہو. سال بعد اس کو توڑ کر پیسے نکل لیتی ہو. آپ یہ دیکھ کر حیران رہ جاتی ہو کہ اتنے سارے پیسے اکٹھے ہو گئے ہیں! آپ بہت خوش ہوتی ہو اور اس سے اپنے لئے کوئی چیز خریدتی ہو. اگر آپ گلہ میں ایک اور سوراخ کر لو اور ساتھ ساتھ پیسے نکالتی رہو تو سال کہ بعد بھی وہ خالی ہی ہوگا. یا اس میں بہت کم پیسے ہوں گے.

آپ کا ایک گلّہ الله میاں کے پاس بھی ہے. جب آپ کوئی اچھا کام کرتی ہو تو الله میاں اس میں ایک سکہ ڈال دیتے ہیں. جب ہم اس کے پاس جائیں گے تو اس کو توڑ کر سکے نکال لیں گے. جس کے پاس جتنے سکے ہوں گے اگلی دنیا میں وہ اتنا ہی خوش ہوگا. اگر آپ اچھے کام کر کے دنیا میں ہی اس کا سکہ نکال لو تو کیا ہوگا؟ اگلی دنیا میں آپ کے سکہ کم پڑ جائیں گے.

اگر آپ اچھا کام اس لیے کرو کہ لوگ آپ کو اچھا سمجھیں یا آپ کو دنیا میں کوئی فائدہ مل جائے تو اس کا مطلب ہے کہ آپ نے اپنا سکہ یہیں پر نکل لیا.